بوست التحويل للثانوية العامة
اولا : التحويل هيفتح بعد نتيجة المرحلة الثانيه مباشرة ولم يتم تحديد له موعد حتى الان يعنى متجيش ف الكومنت وتقولى يعنى امتا
-------------------------------------------------------
ثانيا : التحويل ده هيبقا متوفر لطلاب المرحلة الاولى والثانية للثانوية العامة فقط لا غير دفعه 2017 فقط لا غير شوفتو انا باكد ازاى اهو علشان عارف ف ناس من الكليات من الدفعات السابقة هتيجى تقولى طب ينفع احول معاهم هقولك لا مينفعش وهنزل لحضرتك بوست مخصوص ازاى تحول من كليه لكلية تانية
-------------------------------------------------------
ثالثا : التحويل الالكترونى يعنى ع النت ازاى ع النت .......؟ اقولك ازاى بتروح اى سيبر او اقرب مكتب تنسيق ليك وتقوله انا جالى كليه كذ وعايز احول لكذا بس طبعا قبل ما تتحرك من بيتك هتكون قريت كويس القواعد اللى اللينك بتاعها ف اول كومنت
-------------------------------------------------------
رابعا : التحويل مرة واحد فقط لا غير ياما صابت ياما خابت ومفيش تحويل ورق للثانوية ومفيش تنسيق تانى يعنى خلاص طالما جتلك كليه مينفعش تدخل تنسيق تانى ف اى مرحلة ولا حتى السه اللى جيه
-------------------------------------------------------
خامسا : ف اللينك اللى ف اول كومنت ممكن تتوه شويه علشان ف رموز الرموز دى تعبيرها اهو
( أ ) يعنى المحافظة بتاعتك اللى انت ساكن فيها ( الجامعه )
( ب ) يعنى اقرب محافظة ليك ( الجامعه )
( ج ) يعنى المحافظات الابعد ليك ( الجامعه )
-------------------------------------------------------
سادسا : ف حاجه اسمها توزيع جغرافى ...؟
التوزيع الجغرافى اللى هو المحافظات المتاحة ليك انك تعمل فيها تقليل اغتراب او تحويل مثلا انا من محافظة المنيا التوزيع بتاعى قولنا ( أ ) يعنى الاقرب ليا اللى هيا محافظتى المنيا نفسها ( ب ) الاقرب اللى هما جامعة بني سويف - جامعة أسيوط - جامعة الفيوم بمعنى ان طالب محافظة المنيا مينفعش يعمل تحويل ولا تقليل اغتراب لاى محافظة تانية غير دول فقط حتى لو كان جايب مجموع الكليه لينك التوزيع ده بردو ف اول كومنت
-------------------------------------------------------
سابعا : الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر
بمعنى
التحويل مش بمزاجك انت عايز اى لا طبعا التحويل ده علشان لو حد قبل ف المنطقة ( ب او ج ) يرجع المنطقه ( أ ) اللى هيا محافظتة
-------------------------------------------------------
ثامنا : عارف انك لسه مفهمتش حاجه من كل الكلام ده المختصر المفيد انى عايز اوصلك ان التحويل بيعتمد ع التوزيع الجغرافى ليك ومجموعك هتقولى ازاى اقولك انت لو من اسوان وقبلت سياسة وعلوم اقتصادية بنى سويف وعايز تدخل سياسة وعلوم اقتصادية القاهرة
احب اقولك مش هينفع حتى لو عملت اى حتى لو غيرت محل الاقامة لان الكلام ده كان ممكن تعمله من زمان مش دلوقتى هتقولى ليه اقولك لان بنى سويف اقرب ليك من القاهرة وبكدا يعتبر انت اتقبلت ف توزيعك الجغرافى وشوف بند رقم 7
-------------------------------------------------------
تاسعاً : بالنسبة لطلاب المرحلة ال 3 اللى بيفكر من دلوقتى ان ف تحويل للمرحلة ال 3 ولا اه حضرتك ف تحويل اهداء بقا شوية وركز ف موادك لو انت دور ثانى وهتاخد نصيبك
-------------------------------------------------------
عاشرا : ف كليات اقليمية مينفعش تدخلها غير ف محافظتك فقط لا غير زى كليات التربية والتربية نوعيه والتمريض ومعاهد الفنى الصحى والمعاهد التمريض
-------------------------------------------------------
هعيد وهكرر تانى اهم حاجه ف التحويل وتقليل الاغتراب التوزيع الجغرافى والمجموع حد هيسئل ويقولى انا جايب 64 ودخلت كليه ف محافظة كذا وعايز ارجع محافظتى بس محافظتى بتاخد من 63 هل ينفع ولا لا ؟
اقولك هيا الحاله دى بس اللى ينفع فيها التحويل مع انك مش جايب مجموع الكليه ليه علشان انت عايز ترجع بلدك بس ميكنش الفرق اكتر من 1% فقط
لو اكتر من 1% يبقا هتستنا سنه ف الكلية اللى انت اتقبلت فيها والسنه اللى جيه تحول عادى
اما لو عكسنا السؤال وقولنا واحد جايب 63 ودخل كليه ف محافظته ودخل كليه هو مش عايزها وف كليه تانيه هو عايزها بس مش ف التوزيع بتاعه احب اقولك انك لو جايب 100% مينفعش تحول ليها لان انت قبلت ف توزيعك الجغرافى ومتنساش بند رقم 7
للاطلاع على قواعد التحويل اضغط هنا
للاطلاع على التوزيع الجغرافى اضغط هنا
للاطلاع على الكليات الاقليمية اضغط هنا
