التعريف بالتنسيق
البوست ده مهم جدا جدا جدا لكل طلاب الثانوية العامة واولياء الامور ( اقراء البوست للاخر )
اولا : بعد ما الطالب بيخلص امتحانات الثانوية العامة ينتظر النتيجة
ثانيا : النتيجة بتظهر وبعد كده يبدا التنسيق وهو عباره عن ثلاث مرحل لكل مرحلة ليها مجموع معين
المرحلة الاولى : للعلمى بيبقا ليها مجموع معين والادبى بردو مجموع معين يعنى مثلا المرحلة الاولى تبدا من 90 % كدة يبقا اى طالب ف الثانوية ف ادبى جايب 90% فما فوق كده يبقا هو هيكتب التنسيق ف المرحلة الاولى
نيجى لكتابة التنسيق : خد بالك مش اى حد يقولك انا بكتب التنسيق لزم يكون حد متخصص وفاهم اوى ف موضوع التنسيق لان الموضوع مش كتابة كليات وخلاص
اولا : بتراعى التوزيع الجغرافى بتاعك بمعنى ان انت مثلا من القاهرة يبقا تكتب الكليات الاقرب ليك ثم المحافظات الاقرب ثم الاقرب
ثانيا : تبقا حريص جدا وانت بتكتب اى كليه يعنى مفيش حاجة اسمها اهم حاجة او 10 كليات والكلام الفاضى ده لا طبعا دا انت هتكتب 60 كليه لزم تراعى انك ممكن تدخل واحدة من الـ 60 كليه علشان بعد كده متجيش تندم وتقول انا مكنتش عايز الكليه دى
بعد اغلاق المرحلة الاولى بتستنه نتيجة المرحلة وهيا عبارة عن بيختارو لحضرتك الكليه اللى تناسب مجموعك لو الكليه عجبتك بتروح تطبع بطاقة الترشيح وتروح تقدم ف الكليه اللى جاتلك بعد 10 ايام بالظبط من ظهور نتيجة المرحلة اما بقا لو الكليه اللى جاتلك انت مش عايزه بيفتح بعد المرحلة باب التحويل والاغتراب بعدها بحوالى 5 ايام بتروح تعمل تحويل للكليه اللى انت عايزه بس بشرط تكون جايب مجموعها هتقولى هعرف مجموعها ازاى هقولك نتيجة المرحلة الاولى يعنى ينزل كليات المرحلة الاولى بالمجموع هتكون عرفت كليات المرحلة الاولى كلها بتاخد من كام وتروح تحول للانت عايزه وتكون جايب مجموعها
ملحوظه هامه
لو حد دخل كليه ف سنه 2016 وعايز يحول منها ف سنه 2017 هيحول لما باب التحويل والاغتراب يفتح اللى هو بعد المرحلة الاولى بس ع حسب تنسيق 2016 يعنى السنه بتاعته
ندخل بقا للمرحلة الثانية : زى المرحلة الاولى بالظبط بيتحدد مجميع معينه وبعدين تظهر النتيجة وبعدين يفتح باب التحويل
ندخل بقا ع المرحلة الثالثة : زى كل مرحلة بيتحدد ليها مجموع ودى بيبقا مجموعها 50% وطالع وبعدين بتظهر النتيجة ومفيش تحويل للمرحلة الثالثة يعنى ممكن يبقا ف وممكن لا علشان مقدرش اوعدك بحاجة دلوقتى لان بقاله 4 سنين مفيش تحويل للمرحلة الثالثة
علشان كده بنقول لطلاب المرحلة الثالثة الحرص جدا ع كتابه التنسيق
ملحوظات هامه
طلاب الدبلومات اللى بتبقا عايزه تقدم ف معاهد وكليات ليها بردو تنسيق زى الثانوية
طلاب الدور الثانى ف الثانوية العامة بينسقو ع تنسيق المرحلة الثالثة
وطبعا احنا زى كل سنه هنبقا معاكو لحظه بلحظة ف نتيجة المرحلة الاولى والمرحلة الثانية والمرحلة الثالثة والدبلومات والشهادات المعادلة والدور الثانى
ومعاكو بردو ف كل لحظة ف اى استفسارات تخص التنسيق او الكليات او النتائج
هذه الصفحة خاصه لا تنتمي لاى جهه حكومية
فى حالة وجود اى استفسار أو سؤال يمكنك الاتصال
برقم تليفون :01200760650
برقم تليفون :01200760650
لمتابعه صفحة تنسيق الكليات 2017 ع الفيس بوك اضغط هنا
لمتابعه صفحة اخبار جامعات مصر 2017 ع الفيس بوك اضغط هنا
