حبيت اتكلم معاكم شوية عن الميد تيرم ..
ساعات بيسموه امتحان اعمال السنة لان عليه درجه كبيره من اعمال السنة بس مش كلها " قد السكاشن مرتين تقريبا " .. طيب الامتحان بيكون عباره عن ايه ؟!
بيبقي اول صدمة للطالب فى اولى لأن ديما احنا متعودين نخلص المناهج قبلها ب 3 شهور في ثانوية عامه ونراجع انما هنا هتلاقي نفسك يا دوب بتخلص مذاكره اللي عليك ده اولا ، ثانيا ان الامتحان بتبقي مدته صغيره جدا مش هيتيح ليك الا يا دوب تحل "اوقات كتير هتسيب حاجات متكملهاش وده طبيعي في الكلية عندنا "
ايه اهمية الميد ترم ؟!
ان مفيش سبيل للتقدير من غير ما تجيب فيه درجه كويسه ، لان مثلا
ان مفيش سبيل للتقدير من غير ما تجيب فيه درجه كويسه ، لان مثلا
لو مادة من 100 درجه هتبقي متقسمة كالتالي : " 60 فاينال /20ميدترم/20 شفوي وعملي وسكاشن "
40 درجه اعمال سنة لو حد جاب فيهم 35 مثلا يبقي محتاج في الفاينال 30 من 60 بس و يبقي جايب جيد ! يعني يحل سؤالين ويسيب سؤالين في الفاينال !!!!!!
انما لو حد جاب مثلا 10 من 40 في اعمال السنة فلازم عشان يجيب جيد يبقي محتاج 55 درجه من 60 وده صعب جدا جدا ..
اذا السبيل للتقدير هو ان اعمال السنة تكون عاليه و بالتالي انك تحل كويس في الميد ترم
"وده مش صعب لو عرفت ازاي تتعامل معاه "
"وده مش صعب لو عرفت ازاي تتعامل معاه "
1. لازم تذاكر كل حاجه قبل ما تخوش الميد ترم متذاكرش جزء وتعتمد عليه لان ممكن يجيب الامتحان كله من جزئيه واحده بس و يسيب الباقي كله فلو جزء مذكرتوش ممكن يزعلك جامد
2. ادخل تحل مش تدخل تكتب اللي انت عارفه لان عادة الامتحانات بتيجي اول مره تشوفها فانت حافظ القانون و فاهم المساله هتحلها انما حليت 50 مساله و داخل زي ثانوي فاكر ان هتجيلك مساله منهم ده مبيحصلش خالص ، ممكن تكون شبيهه في فكرتها بس ده بيحتاج تشغيل مخ جوه بردو يعني لازم دماغك تشتغل في الامتحان
3. الامتحان مدته صغيره لازم تقرأ الاسئلة بسرعه و تبدا تحل علي طول و يستحسن لو معاك الوان عشان الدكاتره بتحب بالحاجات دي اوي ..
4. الهدف الرئيسي من الميد ترم هو انك تلم الجزء اللي قبليه عشان تكمل باقي الترم فبالتالي حتي لو جايلك حاله ياس و انك مش هتلحق تخلص بردو ذاكر لانك هتستفيد بالحاجات دي وانت بتذاكر الفاينال "بتلاقي الحاجات اللي امتحنت فيها قبل كده لعب عيال"
5. مش هتجيب تقدير غير لما تموت علي الدرجه وتعملها حساب فركز كويس اوي في الارقام وحسن اسلوب كتابتك و تحاول ديما تكون اجابتك " واضحة/مختصره/دقيقة " لان الاجابات اللي فيها توهان بتثبت للدكتور انك بتجرب و مش عارف الاجابه حتي لو انت عارفها فعلا ..
ربنــــــــا يوفقكم باذن الله و ابدا خطط لنفسك من دلوقتي و فوق لوحدك و متسمعش كلام صحابك لو حد قالك انه مبيذاكرش عشان عادة بيبقي هو ده الشخص الدحيح
ربنا معاكم ويوفقكم
اقرا ايضا
امتحان الميد ترم بيختلف من كلية لكلية تانية طبعا كلنا عارفين
يعني ايه امتحان ميد تيرم؟ وهل هو مفيد للطالب ولا لآ؟السنه بتكون مقسمه لترم اول وترم تاني
وكل ترم مقسم فيه امتحانين:
1-امتحان ميد ترم
2-امتحان فاينال
امتحان الميد ترم بيبقي عليه 25 درجه
وامتحان الفينال 75 درجه
بكده ال100 درجه بتاعت كل ماده بتتقسم
طيب دا مفيد للطالب ولا لا...
الاجابه طبعا مفيد للطالب لانه بيشجعه انه يذاكر علطول عشان بيبقي عارف ان فيه امتحان ميد تيرم...بدل ما يراكم الماده لامتحان الفينال...
حاجه تانيه لو لا قدر الله الامتحان جه صعب في الميد تيرم بيبقي قودامك فرصه تعوض في الفينال لكن لو امتحان واحد في الترم مش بيقي فيه فرصه للتعويض
اقرا ايضا
