قواعد الجامعه
1- أول يوم دا الريد كاربت بتاع مهرجان كان " يعنى صور و سيلفى و أحضان و ناس مستحميه "
😂2- الدكتور اللى هيشرح من أول يوم ، أحفظه كويس لأنه هيعلم معاك أو عليك
3- مفيش سكاشن أول أسبوع و متدوش المعيدين
4- متصدقش الجدول أوى لأنه هيتغير أكتر من تغير البامبرز لطفل عنده إسهال
😂5- كفايه جروب واحد للدفعه و متنتظرش منهم مساعده إلا لو كنت بنت
6- متعشمش نفسك بواى فاى ، دا أقصى سرعه كبيرها تعملك كونكت مش أكتر
7- الكافتيريا من الأماكن المحرمه دولياً بسبب الاسعار
8- القعده فى أول بنش مش بتزود التقدير ولا الدكتور هيتعرف عليك مثلاً ؛ دي محاضرة مش ماتش على القهوة
9- الموبايل يبقى سايلنت " الكلمه دى هتسمعها كتير ، و ولا حياة لمن تنادى ، حياة نفسها موبايلها هيرن فى المحاضره
😂10- عايز تتعرف على ناس روح الجامع او المكتبه
😍11- هتلاقى الدفعه اللى اكبر منك بتقولك " شد حيلك و هات تقدير " و دى كلمه تقليديه بتتوارثها الأجيال ، احفظها كويس عشان هتقولها كمان سنه
😂12- الملغى فى المقرر هو اللى بيجى فى الامتحان ؛ معروفه يعني
13- هتصاب بمرض نفسى اسمه تصوير الورق و من اهم اعراضه انك مش هتذاكر كل الورق اللى صورته
😂14- بالله عليك ذاكر أول بأول ، زنقة الإمتحانات صعبه و أسأل مجرب
15- أيام ثانوى كنت بتحسب الدرجه اللى طارت فى الكليه هتحسب بالسؤال اللى طار
😂16- متزعلش من أول ميد تيرم ، إن شاء الله هتتعود و هتكتسب مناعه و تبقى تمام
17- صاحب ناس من مستواك لإنك مش قد مصاريف الناس التانيه
18- كونك بنت دا بيديكى مميزات كتير مبيخدهاش عضو فى الأمم المتحده
😍😂19- فى المدرج أقعد فى أقرب مكان للتكيف و أبعد مكان عن السماعه و أخفى منطقه عن عين الدكتور ، و بعد دراسه لقينا المكان ده بيتراوح بين خطى طول 123 و144 و خطى عرض 321 و 441
😂 20- إنك تلبس نضاره شمس فى المدرج بدون سبب منطقى ، دى مش روشنه دا هطل
😂21- أتعرف على أقرب عربية فول و أمضى معاه عقد رعايه ، دا لمصلحتك
22- أنت مش مهم لدرجة إنك تستأذن من السكشن عشان ترد على الموبايل
23- فى فرع فى الكليه لمعتقل جوانتانامو هتشوفه لو دخلت الحمامات
24- أتعرف على ناس كتير " اللى النهارده متحتاجش وشه بكره هتحتاج قفاه "
😂25- صاحب بتوع الأمن لإنك فى يوم هتنسى الكارنيه
26- هتشوف عجائب فى الكليه محتاجه الدكتور مصطفى محمود الله يرحمه يعملها برنامج " التعليم و الإيمان " تتخيل يا مؤمن إن فى ناس بتغيب فى الإمتحان النهائى و بتنجح !!
27- مش هتدخل المحاضره متأخر مهما ترسم من علامات البراءه و البلاهه و تدعى أعذار ، إلا لو كنت بنت أو ابن عضو هيئة تدريس
😡28- درجتك فى الإمتحان مش شرط تكون مقياس لحلك ، فى معايير للموضوع ده لو فهمناها نبقوا عمد
29- متقربش من شئون الطلبه ، دا لمصلحتك
😡30- للبنات ، بلاش تخونى ثقة أهلك
😍31- للشباب ، بلاش بلايستيشن كل يوم
😂😂😂😂................ يلا نكمل بعدين
اقرا بردو المقالات دى هتنفعك
