1- حمدلله عالسلامة ومبروك كلية العلوم
2- اوعى تنسى اللى درسته فالثانوى .. لأنك هتحتاجه فعلوم
لأنها تقريبا اخر مرة هتشوف نفسك ب بالطو نضيف 4- حاول تخلى البالطو .. جلابية
... او تقلع البنطلون قبل ما تدخل المعمل ... حفاظا عليه 5- متتكسفش تطلع للدكتور المكتب بتاعه لو فيه حاجة مش فاهمها
6- اسمه كونك سلفوريك اسيد (Conc. Sulfuric acid ).. مش حمض الكبرتيك المركز
7- حاول تخلص كل تعاملاتك ف شئون الطلبة قبل الدراسه (مصاريف بقى وتحويل بين اقسام وكده ) ده لمصلحتك انت والله
8- سد ودانك عن كل متشائم ... وحاول تصاحب الطموحين .. متقلقش .. هتعرفهم من اول نظرة
9- مش عشان انت كنت علمى رياضه ... يبقى هتقفل الرياضة بتاعة الكلية وانت مغمض ... لازم تهتم وتدى كل مادة حقها
10- معلش بقى .. بتوع سنة اولى بيدوهم سكاشن ف وقت متأخر (اتعب دلوقت عشان ترتاح بعدين)
11- اوعى تقضيها لعب بالله عليك ... عالأقل .. فالاول ... ومتخليش جو الجامعة ياخدك
12- فيه مكان فالكلية اسمه اللوكر (Locker) .. ده زى نظام ادراج كبيرة بأقفال عشان تحط ادواتك فيها بدل ما تروح بيها كل يوم
13- المعمل اسمه سكشن
14- اوعى تقلق لما تدخل وتلاقى ناس معاك عايدة السنه .. دول طنشو النقطة رقم 11
15- تجارب عملى الفيزياء .. كتير.... ومحتاجه انك تفهمها كويس وبعدين تحفظها أول بأول
16- اتصور كتير وخلى لكل سنة فولدر على جهازك
17- شغلك كله هيكون فى مجموعات حوالى من 3 ل 6 طلبة
حاول تختار صح الجروب اللى هتشتغل معاه 18- خلى الفهلوة بعدين ... لما تعدى من سنة اولى
19- اوعى تنسى نفسك ... لازم تعيش حياتك فالكلية ... بعيدا عن وقت المحاضرات والسكاشن
20- اطلع رحلات اليوم الواحد
جميلة ... وبتفصلك عن مود المذاكرة شوية21- متخافش ان الدراسة كلها انجليش
كله بييجى
بالتعود22- خاص بالرجالة
لو دخلت علوم القاهرة او المنصورة او الزقازيق او بنها او عين شمس او بنى سويف... يبقى انت هتتجوز من دفعتك يا معلم 23- خاص بالبنات
لو دخلتى اى كلية علوم فى جمهورية مصر العربية ... متقلقيش .. الرجاله كلهم واحد ومفيش حد مميز عن التانى .. اتجوزى من بره علوم أحسن 24- كشكول المعمل اسمه (سكيما Schema)
25- لو انت علمى علوم .. حاول تتعامل مع الفيران والضفادع وتحبهم من دلوقت
26- معلش بقى ... عارفين انك علمى علوم ... بس برضه هتدرس رياضه
27- كله بينجح ف حقوق الانسان ... عشان بس محدش يخوفك
28- لو دخلت علوم غصب عنك ... افتكر ان فيه 100 واحد بره الكلية ... بيعيطوا عشان كان نفسهم يدخلوها
29- اكتر ريحه هتلفت نظرك فالكلية .. هيا ريحه كبريتيد الهيدروجين
30- لو متعود من الثانوية انك تطبق قبل الامتحان ... بلاش تعملها دلوقت .. لآنك لما بتعملها .. بتكون دايخ ومش مركز .. وبتلاقى اغنية زباله ماسكه ف دماغك طول الامتحان مش عايزة تسيبك وعمال تدندنها
31- مفيش جا او جتا او ظا
اسمهم sin & Cos & tan 32- المحاضرة اللى مش هتفهم منها حاجة .. احضرها برضه
لسببين .. يمكن تطلع بمعلومة مفيدة بس خلى عندك النيه ... وخليك على يقين ان ربنا مش هيساوى بين اللى قاعد فالكافيتريا وبين اللى قاعد فالمدرج بيجتهد عشان يفهم 33- عامل العمال اللى شغالين فالمعمل بكل احترام
34- لو مش بتحافظ على الصلاة .. حافظ عليها ... لأنها مفتاح نجاحك فالكلية
35- اوعى اوعى اوعى تكون عارف اى معلومة وتخبيها على اصحابك ... والله ربنا مش هيباركلك فيها ابدا
36- متخليش حد يغلط ف كليتك أبدا .. اديله على بقه على طول
37- متعملش جدول مذاكرة .. لأنك مش هتمشى عليه
38- أجمل حاجة هتخرج بيها من علوم هيا الصحبه الحلوة
39- علوم كلية رائعه
اقسم بالله
40- كلمة اخيرة والله ولازم تعمل بيها (ادخل الكلية برجلك اليمين ... وقول .. اللهم هب لى خير هذا المكان وخير ما فيه ... وابعد عنى شره وشر ما فيه
)
