اول يوم وانت رايح الكليه

اول يوم وانت رايح الكليه

هتروح الكليه عادي جدا ولا اي اندهاشه
بس بلاش بقا جو انك تطقم وتعمل زي هنيدي كده والا تروحي الكليه بالكعب العالى وفستان السهره احنا مش فرح وهتاخدو تريقه من هنا للسنه الجايه 😂😂

◘ حاليا وقبل بدايه الدراسه بينزل جداول المحاضرات لكل كليه احنا نتابع وهننزل اللى نقدر عليه انت تابع بردو في جروب وموقع كليتك وشوف جدولك

◘ حاول تخلى حد اكبر منك يفهمك الجدول بيتفهم ازاي

◘ هتشوف جدولك بيبدأ يوم ايه والساعه كام تروح فيه مفيش هنا حاجه اسمها مواعيد احنا مش في المدرسه
ممكن جدول بيبدأ يوم الاتنين الساعه 12 الظهر
ممكن تبدأ من السبت الساعه 8.30 الصبح انت وحظك في جدولك

◘ الدراسه هتبدأ 16/9 مش معناها انك تروح يوم 16/9 من الفجر تبات هناك انت تروح حسب مواعيدك في الجدول

◘ لو منزلش لك جدول او مش عارف توصل له قبل الدراسه روح كليتك اسال ايه روح اول يوم بدري شوف الجدول

◘ الكليات اللى بتكون فيها اقسام ولسه معرفتش قسمك مع بدايه الدراسه يا تقعد في البيت عادي تستني يا تروح تحضر في القسم اللى انت متوقع يجي لك

◘ روح اول يوم في جدولك بدري قبل الميعاد علشان لسه هتدور على المدرج وهتاخد المحاضرة فين
او روح قبل الدراسه خد لك لفه ف الكليه اعرف الاماكن

◘ خلى معاك بطاقه ترشيحك و بطاقه الشخصيه او صوره من شهاده الميلاد علشان تعرف تدحل الكليه او وصل المصاريف لو كنت دفعتها وبطاقتك

◘ خلى معاك كشكول وقلم ده المطلوب منك فقط تسجل المحاضرات ورا الدكتور
في محاضرات اول يوم ؟ اه في كليات بتبدأ من اول يوم انت وحظك

◘ باقي الادوات اللى الكليه بتحتاجها ؟ هيقولو لك عليها ويقولو لك تجيبها يوم ايه الادوات دي بتكون هتستخدمها ف ايام معينه بس

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

◘الجزء الثانى 

نظره عامة 

ناس كتير بتكون ف ثانوي جايبين 90 و جايبين 98 يدخلو الكليه اول سنه ( يسقط )
◘ طبعا دخل الكليه مغرور ده الثانوي اللى صعب جبت فيه 98 خلاص كده العمليه انتهت الكليه بالنسبه لى هتبقي سهله مش محتاجه مزاكرة

◘◘◘ اللى هيمشي ع المبدأ مش هينجح ولا سنه في الكليه◘◘◘

◘ الثانوي اه كان في مزاكرة وبردو الكليه فيها مزاكرة سيبك من الى قالك هتدخل الكليه ترتاح
هي اه مش مزاكرة طحن زي الثانوي لكن شويه اهتمام بس ومتابعه ربع مزاكرة ثانوي تجيب تقدير

◘ الامتياز من 85% عدد محددود بيجيب امتياز لان الناس بتطنش المزاكرة تقولك كفايه انجح ب 50% في كليات النجاح من 60%

◘◘ جيد جدا من 75% ◘◘ الجيد من 65%

بتتغير النسب دي ف بعض الكليات اللى ماشيه بنظام ساعات معتمده وبعض الكليات النظريه بتكون الامتياز من 90% والجيد جدا من 80%

◘ انت دخلت الثانوي اولى وتانيه وتالته كان المهم بالنسبه لك هوه مجموع 3 بس
لا في الكليه بقا كل سنه تقدريها مهم لان تقدير التخرج بتاعك بيبقي تقدير كل السنوات في الكليه من اول اولى لحد اخر سنه ف لازم تتابع من اول سنه وتشد حيلك عشان تجيب تقدير وتحافظ عليه

((( تقدير اول سنه بنسبه 90% هوه ده التقدير اللى هتبقي ماشي عليه طول السنين )))
ان اتعودت ع انك تجيب مقبول هتفضل تجيب مقبول ولو اتعودت على الامتياز هيبقي بسيط بالنسبه لك

◘ البوست الجاي عن الفرق بين مزاكرة ثانوي والجامعه وازاى اجيب تقدير

تابعونا ع صفحتنا ع الفيس بوك تنسيق الكليات 2017 اضغط هنا