متزعلش لما تجيلك كلية انت مش عايزها حكمة ربنا ف انه يختار ليك الكلية دى هتعرف الحكمة دى وقيمتها لما تدخل الكلية وتحبها هتعرف اد اى ربنا بيختار ليك الافضل والاحسن والاجتهاد والنجاح لا يتوقف ع العلم بل يتوقف ع العمل والاجتهاد والسعى للحياة لو كان طريقك العلم اجتهد وذاكر وهتلاقى ع قد تعبك احصل ع الاربع سنوات الجامعه بتقدير اقل شئ جيد جدا وقتها بقا هتبقا معيد ف الكلية وتعبك مش هيروح ع الفاضى او لو انت بتحب حاجه معينه وبتبدع فيها اجتهد فيها وهتوصل ان شاء الله المقال ده بيوضح ليك ان مفيش كلية احسن من كلية ومفيش حاجة اسمها قمة وهيا الافضل ومفيش حاجة اسمها هيا المطلوبة ف سوق العمل ومفيش حاجة التخصص ده مش موجود ف اى مكان او التخصص ده مطلوب اقراء المقال ده كويس
متركزش فى التعليم اوى كده
لانك بسهولة لو مجبتش مجموع يدخلك كلية تجارة
ممكن تدخل معهد علوم ادارية قسم محاسبة او اى قسم تانى وهيا هيا الشهادة
ممكن تدخل فنى تجارى وربنا يوفقك وتجيب تقديركويس وتكمل تجارة بعدها
ممكن تدخل معهد نظم ومعلومات وبردو الشهادة هيا هيا
ممكن تدخل جامعه عمالية وتكمل بردو تجارة ( الدبلومات فقط )
لانك بسهولة لو مجبتش مجموع يدخلك كلية اعلام
ممكن تدخل كلية اداب قسم اعلام
او ممكن تدخل كلية تربية نوعية قسم اعلام تربوى
او ممكن تدخل معهد اعلام
او ممكن تدخل كلية اعلام خاص
لانك بسهولة لو عايز تبقا مدرس
ممكن تدخل اداب
وممكن تدخل تربية
وممكن تدخل دار علوم
او ممكن تدخل تربية رياضية
او ممكن تدخل تربية نوعية
وممكن من كلية تجارة
او كلية زراعة
او كلية علوم
لانك بسهولة لو مجبتش مجموع يدخلك كلية هندسة
ممكن تدخل معهد هندسة
او ممكن تدخل فنى مساحة وتكمل هندسة بعدية
او ممكن تدخل حاسبات ومعلومات وهتبقا مهندس كمبيوتر
او ممكن تدخل فنون جميلة او تطبيقية وهتبقا مهندس بردو
لانك بسهولة لو مجبتش مجموع يدخلك كلية اثار او الالسن
ممكن تدخل سياحة وفنادق وهتبقا مرشد سياحة او مترجم
او ممكن تدخل معهد سياحة وفنادق
الكلية الوحيدة اللى مش ليها بديل نهائى كلية الحقوق وهذا فخر لطلاب كلية حقوق
كل الكليات بلا استثناء ليها بدائل ومحدش يقولى كلية كذا ملهاش
