تعرف على أقسام كلية الصيدلة .. الصيدلى مش بياع

< يطلع ايه الصيدلى ده ! >

طلبة كتير فى الكلية بيتضايقوا لما حد يقول ان الصيدلى مجرد بياع , طب انتوا زعلانين ليه ما هى دى الحقيقة !
بس للأسف دى الحقيقة اللى الصيادلة ثبتوها على نفسهم يعنى بارادتهم ، ازاى !

- كلية الصيدلة مش نهايتها انك تفتح صيدلية وبس ، لا فيه مجالات كتيرة جدا اهمها : الدراسات العليا اللى محدش واخد باله منها ماعدا طبعا دبلومة التحاليل الطبية لكن فى غيرها اكتر من 20 دبلومة مثلا ( الطب الشرعى - الطب البديل - الرقابة والسموم - التصنيع الدوائى - الميكرو - وغيرها كتير) .

- الأعلى من كل ده " pharm D or Clinical pharmacology " الاتنين دول بالذات اى صيدلى بيدرسهم بيعلي جدا ومرتبه فى اى دولة عربية او اجنبية او حتى فى مصر بيكون كبير جدا واعلى من الطبيب المتخصص والكلام ده عن تجربة اكتر من شخص .

- انا مش بعترض على الصيدلية لكن نفسى ما نخليهاش هى كل حاجة ، بالعكس الصيدلية دى حاجة جميلة جدا بس لو اهتمينا بيها وادارناها كويس .
نرجع لاجابة السؤال اللى فوق خالص :
" ازاى الصيادلة هما اللى عملوا نفسهم بقالين ؟ "

1- الصيدلى بعد التخرج بيغير عقليته تماما من العلم والطب الى عقلية تجارية بحتة وما بيفكرش غير فى الربح فقط.
2- اى صيدلى بعد فترة قصيرة من فتح الصيدلية زى ماتقولوا كده بيزهق وبيسيب كل حاجة للمساعد بتاعه اللى هو مش صيدلى اساسا وبيعمله دكتور ادام الناس والصيدلى مايعملش حاجة غير انه يجمع الفلوس اخر اليوم .
3- الصيدلى اللى بيدير الصيدلية بنفسه بيكون مش مهتم بنفسه ولا عامل لنفسه بريستيج عالى لكن ممكن تلاقيه قاعد بالشبشب او حتى ببجامة او جلابية وحاطط رجل على رجل وقاعد يقرا الجرايد زى اى شخص عادى (مش كل الصيادلة كده لكن 90% منهم كده) .
4- الطالب اللى بيروح يتدرب فى الصيف بيروح يقف جنب العامل يشوفه بيعمل ايه ويتعلم منه وساعات كمان يروح يجيب له كيس يحط فيها الدواء ويروح مبسوط اوى ليه (اصله كان بيتدرب) .
5- صيادلة كتير بينزلوا من نفسهم ويتعاملوا فى الدواء المحروق او يتعاملوا مع شركات تحت السلم (مش معتمدة) لمجرد انه يوفر مبلغ بسيط بيهزق نفسه.

- بعد ده كله ممكن اقول ان الصيادلة بيتفننوا انهم يكونوا بياعين بس ممكن نقول بعض الحلول لموضوع الصيدلية :

1- لازم اى صيدلى بعد ما يتخرج يكون مطلع على كل جديد ويهتم بالفارما وما يسيبش كل اللى درسه مرة واحدة علشان يتعامل مع المرضى كويس .
2- مش شرط الصيدلى يكون هدفه الاساسى الربح فهو هيجى ان شاء الله بس لازم نهتم بمهنتنا الاول .
3- اى صيدلى لازم يحافظ على وضعه فى الصيدلية يعنى يكون شيك ولابس البالطو بتاعه وقاعد على مكتبه اى مريض يستشيره فى حاجه يجاوبه والعامل يروح يجيب الدواء وبكده يكون له برستيج ادام الناس (وعلى فكرة النقابة كانت منزلة بيان السنة اللى فاتت بالكلام ده)
4- المفروض كل الصيادلة يقتصروا فى تعاملاتهم مع شركات الادوية المعتمدة مش اى مكتب او مخزن وخلاص وبكده اى دخيل على المهنة مش هيلاقى مكان.
5- بالنسبة للطالب فى التدريب المفروض يروح الصيدلية اللى فيها الدكتور بتاعها ويتابعه فى كل حاجة ويسأله على اى حاجة مش فاهمها (مش يروح يساعد العامل ويتعلم منه )

[ للأسف قليل اللى بيهتموا بالكلام ده مع اننا لو بصينا على كلية طب نلاقى الناس بيطلع عينهم فى الدراسة اكتر من 10- 15 سنة وعدد قليل هو اللى بيوصل لمكانة عالية والصيدلى امامه الفرصة يحضر سنة او اتنين ويكون اعلى من ناس كتير لكن مطنشين او بنستسهل يعنى لو سمحوا لطلبة صيدلة انهم يفتحوا صيدليات بعد تالتة 90% من الطلبة مش هيكملوا رابعة ]

يحلم الكثيرون من طلاب الثانوية العامة شعبة علمى علوم دخول الكليات الطبية من طب بشرى لطب أسنان وبيطرى وصيدلة، وبالحديث عن كلية الصيدلية فهى ثانى كلية طبية فى علمى علوم من حيث المجموع، فالكثير ممن يذهب إليها بسبب ميوله وحُبه فى كلية الصيدلة، ومنهم من لايحالفه الحظ بدخول كلية الطب البشرى فيستعوض عنها بكلية الصيدلة، لذلك نقدم بعض المعلومات عن الكلية وأقسامها.

كيف تحصل على درجة البكالوريوس فى الصيدلة؟

يتطلب الحصول على درجة البكالوريوس قضاء ست سنوات ثم يتم التخصص فى السنة الأخيرة عن طريق الالتحاق بأحد الأقسام التالى ذكرها بالتفصيل، مثل قسم الكيمياء الحيوية وقسم الكيمياء الطبية والعضوية وغيرها.

أقسام الكلية:

–       قسم الصيدلانيات

الصيدلانيات هو علم تصميم وتقييم الأشكال الصيدلية المختلفة، يتميز علم الصيدلانيات بشموله على العديد من جوانب العلم، حيث يمتد من دراسة الخواص الفيزيائية والكيميائية للعقاقير المختلفة إلى صياغتها ودراسة العمليات الفسيولوجيه المختلفة بالجسم والتى تؤثر على توصيل هذه الأشكال الصيدلية ومدى فاعليتها فى الجسم، ويشمل ذلك التحديات الناتجة بسبب التطور السريع فى علم الصيدلانيات وزيادة عدد العقاقير ومدى تعقيدها.

–       قسم الكيمياء الحيوية

الكيمياء الحيوية هى أحد فروع العلوم الطبيعية التى تختص بدراسة كل ما هو متعلق بحياة الكائنات الحية سواء كانت دقيقة (بكتيريا ، فطريات طحالب) أو راقية كالإنسان والحيوان والنبات، يوصف علم الكيمياء الحيوية أحيانا بأنه علم كيمياء الحياة، وذلك نظرا لارتباط الكيمياء الحيوية بالحياة.

–       قسم الكيمياء الطبية

تعتبر الكيمياء الطبية فرع من الفروع المهمة فى الكيمياء خاصة مع التطور العلمى الهائل التى تشهده منذ فترة، إذ يستفاد منها فى دراسة المواد الحية وعمليات التمثيل الغذائى وغيرها، ولا يستطيع الأطباء تشخيص الأمراض دون الاستناد إلى نتائج التحليلات اللازمة لذلك.

–       قسم الكيمياء العضوية

قسم الكيمياء العضوية هو أحد أقسام الكلية الأساسية، ويختص بتدريس كيمياء المركبات العضوية بأنواعها المختلفة، وكذلك دراسة التعرف على تركيبها باستخدام وسائل التحليل الطيفى.

–       قسم النباتات الطبية والعقاقير

يهدف قسم النباتات الطبية والعقاقير إلى تعريف الطالب بعلم العقاقير الطبية وأهمية تطبيقات المجالات الطبية والصيدلانية، بالإضافة إلى استثمار المصادر الطبيعية لاستكشاف مركبات دوائية جديدة أو قديمة أكثر أمانا وفعالية وميكانيكيات عمل جديدة لم تسجل لها طرق مقاومة دوائية مسبقا.

–       قسم الصيدلة الأكلينيكية

نظرا للتطور السريع فى مجال الدواء وكثرة وتنوع الأدوية المستخدة ومايصحبها من تأثيرات جانبية، أصبحت الحاجة ملحة لتخريج جيل من الصيادلة على دراية باستخدامات الدواء والآثار الجانية والتفاعلات الدوائية وتقديم المعلومات الدوائية للمريض والفريق الطبى من أجل تحسين الرعاية الصحية للمريض وزيادة الوعى الصحى للمجتمع، وقد تحقق ذلك من خلال استحداث قسم الصيدلة الاكلينيكية بكليات الصيدلة، ويقوم القسم بتدريس مقررات الصيدلة الإكلينيكية التى تهدف إلى إمداد الطالب بالمعلومات والخبرات العملية والعلمية الازمة لتحسين الرعاية الصحية.

–       قسم الكيمياء التحليلية الصيدلية

يهدف القسم إلى متابعة كل ما هو جديد فى مجالات التحليل الصيدلى باستعمال أجهزة حديثة والرجوع إلى الدوريات العالمية لخدمة المجتمع فى مجال الصناعات الصيدلانية وضمان الجودة. ويهدف القسم للوصول إلى أعلى مكانة ضمن أقسام الكلية من حيث المناهج والعمل البحثى.

–       قسم التكنولوجيا الصيدلية

ويسعى قسم الصيدلانيات إلى التطوير الأمثل لطرق توصيل الدواء لجسم الإنسان. وتشتمل المقررات الدراسية للقسم على مقررات متنوعة منها تكنولوجيا الصيدلة –والصيدلة الفيزيائية وتصميم الأشكال الصيدلية والصيدلة الحيوية وحركية الدواء وتمثل هذه المقررات محور المقررات اللازمة لمنح درجة دكتور صيدلة.

–       قسم الميكروبيولوجى الصيدلية

يسعى القسم إلى الوصول لمكانة عالمية من خلال تقديم أفضل الخدمات التعليمية الطبية والخدمات البحثية، وذلك عن طريق تقديم المعرفة والمهارات فى مجال الميكروبيولوجى بكفاءة، والتى تساعد الطلاب وتجعلهم على وعى تام بأهمية الكائنات الدقيقة والمكيروبيولوجى فى العديد من المجالات.

–       قسم الأقربازين والسموم

هو ذاك الفرع الشيق من العلوم الحيوية والطبية، والذى يشمل معرفة آليات تأثير الدواء وبعض المنتجات ذات التأثير الحيوى على الخلايا والكائنات الحية.

#الصيدلى_مش_بياع