6 نصائح تدمج بيها التركيز المرتفع في مذاكرتك

كيف تنجز أكثر في وقت أقل وتحصل على تقدير أو مجموع أعلى ؟
----------------------------------------------------------------
معظم الطلاب مؤمنين بقاعدة بسيطة بتقول :
كل ما تذاكر فترة أطول = تنجز أكثر
كل ما تنجز أكثر = تجيب مجموع أو تقدير أحسن 
.
هذه المعادلة خاطئة
--------------------
القاعدة اللي فاتت خطأ ... والصح تقريبا هو العكس
أكيد مستغرب من كلامي ... لكن خليني أشرح لك وأثبت لك بأدلة علمية
وحتى قبل الشرح والأدلة أنت هتلاحظ أن المتفوقين بيبان كأنهم بيذاكروا أقل ويفهموا أكثر ، كثير جدا بيفكر إن ده عشان هم أذكى لكن مش هو ده العامل المؤثر
.
المعادلة الصحيحة
------------------
المعادلة الصحيحة بتقول :
كمية المذاكرة = وقت المذاكرة × درجة التركيز
العنصر اللي عمل فرق رهيب هنا مش ساعات المذاكرة ولكن درجة التركيز
خلونا نشوف الكلام ده من خلال مثال عملي للتوضيح عشان نقارن الفرق بين نوعين من المذاكرة بينهم فرق رهيييييييب
.

اقرا ايضا 

للطلاب.. إزاي تحل«Bubble sheet»؟

نموذج المذاكرة الانتحارية
-------------------------
عندنا طالب جميل فاق متأخر جدا وبالتالي طبعا قدامه مذاكرة كثييييير
فقرر بمنتهي الجدية إنه يذاكر بذمة ويبقي مثال للطالب المجتهد
وخصص يوم معين عشان يخلص مادة كاملة أو كمية ضخمة جدا من مادة
طبعا عشان كل الكمية دي تخلص مفروض يفضل اليوم كله يذاكر بدون انقطاع تقريبا
خلينا نقول إنه محتاج من 8 : 10 ساعات عشان يخلص كل الكمية دي
.
فين المشكلة ؟
--------------
المشكلة إن العقل مش هيقدر يحتفظ بتركيزة لفترة طويلة بعد ساعتين كحد أقصي عند معظم الطلاب
التركيز بيبدأ يتدهور وينحدر بسرعة رهيبة
.
الشكل البياني التالي هيوضح درجة تناقص التركيز كل ساعة
الرقم 10 يمثل أعلى تركيز عندك ، الرقم 1 أقل تركيز عندك

الساعة 1: 10 
الساعة 2: 9 
الساعة 3: 5
الساعة 4: 2
الساعة 5 – 10 : 1
لاحظ إن بدأ بحدة من أول الساعة الثالثة ، وإن بداية من الساعة الخامسة لحد الآخر التركيز كان في أقل وأدنى درجاته 
.
ملاحظة مهمة : 
الأرقام دي مش مكتوبة اعتباطا أو بشكل عشوائي ، الأرقام دي بتمثل دالة تناقص أسي ... وده شيء الطلاب اللي بيدرسوا رياضيات هيكون عارفنها
.
نموذج مذاكرة مختلف تماما 
----------------------------
هنا مفيش جلسات مذاكرة انتحارية ، مفيش 10 ساعات تعب ومشقة وألم 
عندنا هنا طالب قرر يقسم كمية المذاكرة المطلوبة على يومين ، كل يوم فيه ساعتين مذاكرة فقط 
.
يعني مثلا ساعتين السبت وساعتين الأحد وبينهم يوم كمل فرق 
الفجوة والوقت الفاصل بتضمن إنك تكون شحنت تركيزك من جديد 
.
وده شكل بياني هيوضح درجة التركيز عن الطالب اللي قسم مذاكرته على يومين 
الساعة 2: 10
الساعة 2: 9
الساعة 3: 10 لأنه يوم جديد والتركيز بادئ بكامل طاقته 
الساعة 4: 9 لأنها الساعة التانية والنقص في التركيز بيكون بسيط 
.
تعال نقارن بين كمية الإنجاز في الطريقتين 
1. طريقة المذاكرة الانتحارية : 32 وحدة تركيز مجموع 10 ساعات 
2. طريقة المذاكرة الموزعة : 38 وحدة تركيز في 4 ساعات فقط 
.
يعني :
مذاكرة لعدد ساعات أقل ، مع مجهود أقل ، وبدون مشقة وألم 
حققت إنجاز أكثر من الطريقة الانتحارية بنسبة 19%
اقرا ايضا 

ما هي أفضل طريقة لكتابة المحاضرات في الجامعة؟

6 نصائح تدمج بيها التركيز المرتفع في مذاكرتك عشان تذاكر أكثر في وقت أقل 1. خد 5 دقايق راحة كل نص ساعة ، أو 10 دقايق راحة كل ساعة ، جرب الطريقتين لحد ما تعرف المناسب لك أكثر ، ده هيقلل معدل تناقص التركيز 2. لا تذاكر أي مادة أبدا لمدة أكثر من 3 ساعات ، والأفضل والأحسن ساعتين ، ولو عايز تكمل مذاكرة المادة خلي المذاكرة في فترة أخرى ولازم يكون بينهم راحة طويلة 3. خد كفايتك من النوم ، كل طعام صحي ، اعمل ترينات رياضية بشكل منتظم : الحاجات دي بتتحكم في معدل طاقتك ، ومعدل طاقتك بيتحكم في مقدار التركيز اللي عندك 4. لا تذاكر بعد الغداء أو طعام ثقيل مباشرة ، بعد الغداء معظم الدم بيتوجه للمعده فبتصاب بحالة من الخمول وضعف التركيز 5. لو تقدر تجنب المذاكرة بالليل ، الليل بيشجعك على المذاكرة لساعات طويلة متصلة ، لكن النهار فيه حركة ونشاط بتجبرك على أن تقسيم مذاكرتك لفترات قصيرة نسبيا 6. ابعد تماما عن أي حاجة ممكن تسرق انتباهم وتركيزك : تليفزيون ، لمة الأسرة ، نت ، وسائل تواصل كل دي بتخلي فترة مذاكرتك عبارة عن وقت بدون نتيجة