عايز تبقى محامى ولّا مستشار.. تعرف على أقسام كلية الحقوق

يكون الطلاب الجدد فى حالة تشدد عند دخول الجامعة؛ لأنها مرحلة عمرية جديدة تواجههم، وخاصة إن كانت هذه الكلية غير مرغوب فيها ولكنها توافق التنسيق الخاص بهم، وتعد كلية الحقوق واحدة من هذه الكليات بسبب تأخرها فى السنوات الأخيرة بعد اعتبارها من كليات القمة التى توازى الطب والهندسة، فأصبحت كلية تضم الكثير من الطلاب الذين لا يفقهون عن دراستها شيئا ومجالاتها المختلفة، لذلك نقدم لك التخصصات التى تتعلمها فى كلية الحقوق 

أقسام كلية الحقوق

تختلف الأقسام عن بعضها بحسب كل جامعة، ولكنها بشكل عام تتمحور فى هذه التخصصات:

1- قسم القانون المدنى: يعمل على إعداد الطلاب وتأهيلهم للعمل فى المؤسسات المختلفة فى الميادين الوطنية والعالمية فى المجالات الآتية، القانون المدنى، قانون الملكية الفكرية، وكذلك قانون الأحوال الشخصية لغير المسلمين.

2- قسم القانون الخاص: يساهم فى إعداد الطلاب للعمل بالمؤسسات القانونية والاجتماعية المحلية والدولية وتقديم الخبرة والاستشارات القانونية لهذه الهيئات، خاصة فى منازعات العمل والتشريعات الاجتماعية ومنازعات القانون الدولى الخاص.

3- قسم القانون العام: يعد الطلاب ويؤهلهم للعمل فى المؤسسات المختلفة فى الميادين الوطنية والعالمية فى مجالى القانون الإدارى والدستورى.

4- قسم القانون الدولى العام: الذى يسهم فى  إعداد طلاب الكلية وتأهيلهم للعمل بالمؤسسات القانونية والاجتماعية المحلية والدولية وإدارة العلاقات الدولية، وتقديم الخبرة والاستشارات القانونية لهذه الهيئات فى مجالى القانون الدولى العام والمنظمات الدولية.

5- قسم الشريعة: يعد الكوادر المؤهلة فى الفقه الإسلامى وأصوله، خاصة الأحوال الشخصية والمواريث والوصايا والوقف، وذلك للعمل فى المؤسسات الشرعية والقانونية والقضائية.

6- قسم القانون الجنائى: الذى يعمل على إعداد طلاب الكلية وتأهيلهم للعمل فى المؤسسات المختلفة فى الميادين الوطنية والعالمية فى المجالات الآتية، قانون العقوبات، قانون الإجراءات الجنائية، القانون الجنائى الدولى، القوانين الجنائية المقارنة فى الأنظمة القانونية المختلفة، العدالة الجنائية وحقوق الإنسان.

7- قسم القانون التجارى: يؤهل الطلاب فى العمل فى القطاع المصرفى والمالى، والعمل فى سوق الأوراق المالية، وفى مجال الشركات، وفى التحكيم، والعمل فى مجال الملكية الفكرية.

حقوق ، كليه الرقى اللى اتظلمت فى مصر .

- يعنى ايه ايه كليه تاخد اقل من حجمها و بمسمى وظيفى واحد ؟ يعنى كليه حقوق فى مصر .

- كليه حقوق 99.5٪ من اللى بيدخلوها فى مصر بيكون بسبب انهم مجابوش مجموع عالى و قدروا يحققوا حلمهم و علشان كده اول ما يدخلوا حقوق بيصنعوا لنفسهم حلم تانى و هو انه يبقى وكيل نيابه .

- لكن لو جينا ندور ايه اللى عمل فى الكليه كده ، يبقى السبب الاول و الرئيسى هو فعلا ان معظم اللى بيدخلوها بيكون تقضيه واجب و بس .

- كليه حقوق شغلها الاساسى هو المحاماة و بينشق منها وكلاء النيابه و القضاه ده غير الشغل فى وزاره الخارجيه و اللى بتحتل فيه المركز التانى بعد كليه سياسه و اقتصاد .

- و الكليه بتتكون من 3 شعب هما شعبه عربى و انجليزى و فرنسى و 11 قسم هما :
1- القانون الجنائى
2- القانون الدولي العام
3- القانون التجارى والبحرى
4- القانون المدنى
5- الشريعة الإسلامية
6- الاقتصاد والمالية العامة
7- القانون العام
8- قانون المرافعات
9- القانون الدولي الخاص
10- فلسفة القانون وتاريخه
11- تاريخ النظم القانونية .

- طبعا زى ما قلنا الكليه اللى بيدخلها بيحول كل اماله و احلامه ان هو يبقى وكيل نيابه لكن الكليه مجالات شغلها اكتر من كده .

- بس اللى اهم من مجالات شغل الكليه هى ان اللى يدخلها لازم يبقى اودامه هدف و ميحيدش عنه لان شغلها اللى هيمشى فيه غلط فـ هيبيع كل حاجه .

- و من اهم مجالات شغل الكليه :

1- مجال المحاماه ، و دا المجال الاصلى و الاساسى و اللى يفهم المجال يبقى من اهم الناس فى مصر .

2- وكيل نيابه ، و دى فى الاصل بتبقى الافضليه فيها لأوائل الكليات لكن طبعا الموضوع بيحكمه الواسطه اكتر فى مصر ، و من وكلاء النيابه بيندرج التخصص التالت و هو القضاه و المستشارين .

4- مستشارين قانونيين للشركات الكبيره و دا مجال مهم جدا و كويس جدا لخريج الكليه .

5- محكمين دوليين فى المحاكم الدوليه لقضايا الشركات بره مصر .

6- الشغل فى وزاره الخارجيه و هى الكليه اللى بتيجى بعد سياسه و اقتصاد فى عدد المقبولين فى الشغل .

لمعرفة الكليات المتاحة لطلاب المرحلة الثالثة ادبى اضغط هنا 

لمعرفة الكليات المتاحة لطلاب المرحلة الثالثة علمى اضغط هنا 

تابعونا ع صفحتنا ع الفيس بوك تنسيق الكليات 2017 اضغط هنا 

تابعونا ع صفحتنا ع الفيس بوك اخبار جامعات مصر 2017 اضغط هنا